ජීවන සුවඳක් දැනෙනවා

තරුණ හදක් කිති කැවෙනවා

කනට කොඳුරලා නොකියන රහසක්

කියන්න මැණිකේ හිතෙනවා

 

මංගල සීනු හඬින් ගම පිබිදෙන දිනයේ

අනාගතේ සිතුම් පැතුම්

හකුලා එක පොදියේ

ගයා ගීත පෙම් අමරස කලතා සුකුමලියේ

අතිනත ගෙන දිගු ගමනක් යමු අපි වෙල් එළියේ

 

ආසිරි ගී මැද කැන්දන් යන මග

දෙපසේ විසිරී විලඳ පොරී

පතුරයි අමුතුම සුවඳක් සොඳුරියෙ

ආදරයේ මධු මිහිර රැඳී

 

රුවට රුවක් නැත

මෙහෙම රුවක් නැත

සිරිකත පරදන රුව වාගේ

හිතට හිතක් නැත

මෙහෙම හිතක් නැත

මා වෙනුවෙන් පිදු හිත වාගේ

 

අහක බලාගෙන හිටියොත් කෙල්ලේ

මේ පෙම් හදවත පෑරේවී

හිනාවෙයන් කෝ මේ බලහන්කෝ

නැත්නම් වැඩ දුර දිග යාවී

 

ජීවන සුවඳක් දැනෙනවා

තරුණ හදක් කිති කැවෙනවා ///